खरनाल्या रा चौधरी और धोल्यो कहजे जाट
अन्न धन्न का भंडार भरया जा रे सभी बाता को ठाट
भक्ति मिलती देही के दाग लगायो
सुन सावत सुरा थारे हाथ काई आयो
थारी बच गयी प्यारी जान करे तू क्यूँ चाला
गुण करता ओगण मानयो बास बिछाला
थारे रास्ते चलता या कई मॅन में आई
म्हारी पेट री जसाणी तू क्यूँ जान बचाई
म्हारी लगी बदन में आग तो सही नही जाए
थे करयो कितनो बडो अन्याय समझ में ना आई
तुझे जलता देख कर सोच मति माही आयो
इस बाला की अग्नि से बाहर काड भगायो
मैं करी भलाई तू क्यूँ दोष लगायो
नेकी करता कोई बदनामी को दर्ज़ो पायो
थारी बच गयी प्यारी जान राम रखवाला
गुण करता ऑगण मानयो बास बिचारा
देही के लाग्यो दाग क्रोध मंन आवे
म्हारी पेट ऱगसणी उमर बीती जावे
मन्ने हुया भरसी बत्तीस जीव घबरावे
इन दुख से म्हारो पेट घनो दुख पावे
इस सर्प जोनी में घनो तो घनो दुख पायो
सुन सावत सुरा थारे हाथ काई आयो
या सुनकर थारी बात घनो पछतायो
सुन बाछल बाबा हुरिया खाल खिछाउ
कर न्यारा न्यारा सुखी मजो मैं बताउ
तन्ने कर दू भेलो भूल अठा से ज़ाउ
