हँस कर पार्वती ,

शिव जी ने वचन सुनावती जी। 

स्वामी मैं ना होती  तो थाने  कुण  ब्यावती  जी 

थारा लम्बा लम्बा केश ,

थारो अति भयानक भेष 

थारे गल विच कालो शेष 

थाने देख्या ही अबला नारी डर जावती जी 

स्वामी मैं ना होती  तो  थाने  कुण  ब्यावती  जी 1 

थारो बूढ़ो वाहन बैल ,

थारे  भूत पलीत रेवे गेल ,

थारो डमरू बाजे  सुरेल ,

थाने  देख्या ही सूंदर नारी शरमावती जी 

स्वामी मैं ना होती  तो  थाने  कुण  ब्यावती  जी 2 

था तो सीख्यो ना  माखन खाबो ,

था तो आक धतूरा चाबो ,

थारे  तन पे नहीं है गाबो,

थारे  कोड़ी नहीं है पास में लखावती  जी 

स्वामी मैं ना होती  तो  थाने  कुण  ब्यावती  जी 3