मैं थाने सिवरू गजानन देवा

  मैं थाने सिवरू गजानन देवा   वचनों रा पालनहारा जी ओ,  सरस्वती मात शारदा ने सिवरू  हिरदे करो नी उजियाला जी ओनिन्दरा निवारू भोलेनाथ ने निन्दर...

Monday, October 12, 2026

तू दयालु ,दीन हौं तू दानि, हौं भिखारी।



तू दयालु ,दीन हौं
 तू दानि, हौं भिखारी।
 हौं प्रसिद्ध पातकी,
 तू पाप-पुंज-हारी ॥ १ ॥

 नाथ तू अनाथको,
 अनाथ कौन मोसो
मो समान आरत नहिं,
 आरति हर तोसो ॥ २ ॥


 ब्रह्म तू, हौं जीव,
 तू है ठाकुर,हौं चेरो।
तात-मात,गुरु-सखा,
 तू सब बिधि हितु मेरो ॥ ३ ॥

 तोहिं मोहिं नाते अनेक,
 मानियै जो भावै।
 ज्यों त्यों, तुलसी कृपालु !
 चरन-सरन पावै ॥ ४ ॥  
   

No comments:

Post a Comment

Note: Only a member of this blog may post a comment.