मैं थाने सिवरू गजानन देवा

  मैं थाने सिवरू गजानन देवा   वचनों रा पालनहारा जी ओ,  सरस्वती मात शारदा ने सिवरू  हिरदे करो नी उजियाला जी ओनिन्दरा निवारू भोलेनाथ ने निन्दर...

Saturday, July 4, 2026

 सैंया आनन्द पाया ऐ।

 सन्त दानाराम जी की वाणी 
 (मध्यमा)

 सैंया आनन्द पाया ऐ।
 सिर पर हाथ धरियो गुरु दाता,
 शब्द सुनाना ऐ । टेिर ॥


 आज सखी री आँख फरुकी,
काग उड़ाया ऐ ।
 गुरु मिलन की अजब उम्मेदी,
दर्शन पाया ऐ ॥ १ ॥

 कली-कली सब खिल गई सारी,
 बाग सिंचाया ऐ।
डाल-डाल पर कोयल बोले,
 भंवर गुंजाया ऐ ।।२ ॥


अड़सठ तीरथ गुरु चरणा में,
निसदिन नहाया ऐ।
 निर्मल काया वेगी सारी,
उज्जवल थाया ऐ ।।३ ॥

 सतगुरु देव जगत में आया,
हाथ दिखाया ऐ ।
संजीवन बूंटी घोट पिलाई,
 दर्द मिटाया ऐ ॥ ४ ॥

 धन-धन वर्ष मास दिन वारा,
 मम मन भाया ऐ ।
 मुहर्त घड़ी लगन पल आछो,
शीश झुकाया ऐ ॥ ५ ॥

 केवलराम मिल्या गुरु पूरा,
भाग सवाया ऐ ।
'दानाराम" गुरु की शरण में,
गुरु गुण गाया ऐ ॥६॥ 

No comments:

Post a Comment

Note: Only a member of this blog may post a comment.