मैं थाने सिवरू गजानन देवा

  मैं थाने सिवरू गजानन देवा   वचनों रा पालनहारा जी ओ,  सरस्वती मात शारदा ने सिवरू  हिरदे करो नी उजियाला जी ओनिन्दरा निवारू भोलेनाथ ने निन्दर...

Wednesday, June 10, 2026

आप बिना मोरी कोन खबर ले . 
सावरियो गिरधारी रे ॥ 

मंझारी सुत दिया अग्न में,
 करुणा करे कुमारी रे।
 चार बरतन प्रभु कोरा राखिया,
 खेलत सुत मनजारी रे ॥

 आप बिना मोरी कोन खबर ले .
 सावरियो गिरधारी रे ॥

 गज और ग्राह लड़े जल भीतर
 लड़ते-लड़त गज हारी रे।
 तिल भर सुंठ रही जल बाहर
 रामो राम पुकारी रे ॥

 आप बिना मारी कौन खबर ले. 
सांवरियो गिरधारी रे ॥ 

टीयू-२ करती आई टीतोडी, 
भारत रचियो भारी । 
भारत मे भवरी रा ईडा, 
सिर पर घंटा डारी ॥ 

आप बिना मोरी कोन खबर ले.
 सावरियो गिरधारी रे ॥

 द्रोपदी चीर द्वशासन खेचयो, 
पांच पांडव घर नारी रे। 
खेचत चीर असंगज बढ़ियो,
 लाज राखी बनवारी रे ॥

 आप बिना मोरी कोन खबर ले. 
सावरियो गिरधारी रे ॥

 इन्द्र कोप कियो ब्रज उपर, 
बरसीयो मूसलधारी ।
 गोपी ग्वालों ने तार दिया 
प्रभुनख पर गिरवर धारी ॥ 

आप बिना मोरी कोन खबर ले. 
सावरियो गिरधारी रे ॥ 

आगे भक्त अनेक ऊबारिया 
अब के बेल हमारी रे।
 कड़े नरसी सुणो सांवरा 
राखो लाज हमारी रे ॥ 

आप बिना मारी कौन खबर ले.
 सांवरियो गिरधारी रे ॥

No comments:

Post a Comment

Note: Only a member of this blog may post a comment.