हेली मारी निर्भय रहिजे रे !

   

दुनियादारी औगणकारी
 जाने भेद मत दईजे रे
 हेली म्हारी निर्भय रहीजे रे

इण काया में अष्ट कमल हैं,
ज्योरी निंगे कराइजे ए
 हेली म्हारी निर्भय रहीजे रे

 सत संगत में बैठ सुहागण ,
साच कमाइजे ए 
 हेली म्हारी निर्भय रहीजे
6765756756
 

 धन में गरीबी मन में फकीरी ,
हदया राखिजे ए
 हेली म्हारी निर्भय रहीजे रे

 ज्ञान झरोखे बैठ सुहागण,
झालो दईजे ए 
 हेली म्हारी निर्भय रहीजे रे

 त्रिवेणी घर,तीन पदमण,
उने जाए बतालाईजे रे
 हेली म्हारी निर्भय रहीजे रे

 सत बाण पर बैठ सुहागण ,
सीधी आईजे ए 
 हेली म्हारी निर्भय रहीजे रे

 हरी चरणों में शीश झुकाईजे
,गुरु वचनों में रहीजे ए
 हेली म्हारी निर्भय रहीजे रे

 कहे मछँदर सुण भाई गौरख 
,शीतल होइजे ए 
 हेली म्हारी निर्भय रहीजे रे