वारी ओ गुरुदेव आपने बलिहारी

     

वारी ओ गुरुदेव आपने बलिहारी

 आप नई होता जगत में

 कुण करतो मरी साय

 भोगता दुःख भारी

 वारी ओ गुरुदेव आपने बलिहारी

 असंग जुगां को सुतो मारो हंसलो

 सद्गुरु दियो जगाई

 शब्द की सिसकारी

 वारी ओ गुरुदेव आपनेबलिहारी

"हद में तो दाता खेल रचायो"

     हद में तो दाता खेल रचायो,

 एजी बेहद माँहिने तो आप फिरे,

अधर धार पर आसन मांड्यो,

 धरा अधर बीच मौज करे,

 एजी हँसा रहवे जो हँसा में बैठे,

 कागा के संग नहीं फिरे,

 हंसलो रवे जो हँसा में बैठे,

कागा के संग नहीं फिरे,

नुगरा नर तो परे भटकता,

 खोजी होवे सो तो खोज करे,

 अमर जड़ी तो गुरु दाता सूं पाई,

राम नैना सूं वा तो नेड़ी रे फिरे,

 वणी रे बूंटी रा परहेज नी पाया,

वणा सूं करोड़ां कोस परे, 

 समरथ गुरु जी री शरणां पड्या जो,

ओगत गाता गेला करे,

गुरु रे ज्ञान पारस नहीं पीधो,

वणा जिव्हा ने काळ चरे,

 गरबीला नर गुलचा ही खावे,

 एजी समझा जावे जो समंद तिरे,

 जीवतड़ा तो जले मसाणा,

मुर्दा व्हे जो मगन फिरे,

 रण माँ चो सुरता गाथे,

कायर हुवे जो देख डरे,

कहे धरव दयाल के शरणे,

 करोड़ जनम रा पाप झड़े,

 हद में तो दाता खेल रचायो,

 एजी बेहद माँहिने तो आप फिरे,

अधर धार पर आसन मांड्यो

धरा अधर बीच मौज करे,      

सद्गुरु सहज बतायो

सद्गुरु सहज बतायो,
 जब रतन हाथ में आयो ।

 मन-ममता को दूर हटाई,
 ज्ञान-भान दरसायो ।
अपणो रूप आप में परख्यो,
 दूजो हतो मिटायो । १ ।।

 मुझमें जगत्, जगत् में मैं हूँ,
 यह स्वरूप समझायो ।
 मिथ्या भरम मान कर बैठो,
 तन अभिमान गिरायो ॥ २ ॥

सत् संगत अमृत रस पायो,

 पीवत खूब छकायो । ।
अनन्त छक्यो जब सोय गयो फिर,
जग्यो फेर भर पायो ।।३।।

 नाथ जलन्धर प्रताप भयो जद,
 सन्त शरणागत आयो ।
 देवनाथ गुरु मानसिंह के
 भ्रम-तम दूर भगायो || ४ ||

माफ़ करो गुरु जी बालक थारो।

 

माफ़ करो गुरु जी बालक थारो।
 माफ़ करो गुरु जी सेवक थारो।

 मेरो कसूर कहूँ घबराऊ ,
 जो में कहूँ मन में शरमाउ ,
 सब ही गुनाह में हूँ ,
 अनंत अपारो।

 माफ़ करो गुरु जी बालक थारो।

 पोळा पंथ में खूब फसायो
 आत्म तत्व कोई ने बतलायो
 जिण पकड्यो
 मारयो ही मारयो

 माफ़ करो गुरु जी बालक थारो।

 अरज सुणो मारा सेल गुसाई ,
 हाथ पकड़ियो तो छोड़ो नाही ,
 छोड़ दियो तो मै
 बहुँ भवधारो

 माफ़ करो गुरु जी बालक थारो।

 मान कहे मारा अन्तर्यामी
 आप समान करो मोरे स्वामी
 ब्रह्म मिलाय
 भरम निवारो।

 माफ़ करो गुरु जी बालक थारो।